Tjörns kommuns logotype
Land 7,3 °C Hav 12,2 °C
Medelvind SE 2,2 m/s

Interlingua

Störst text
Stor text
Normalstorlek
Skär. Foto: Maria Johannessen

Con le mar como tu corte de recreation e vicino le plus proxime, Tjörn offere un stilo de vita de qualitate con tote facilitates a mano durante tote le anno. Mar e campania in combination con multiple opportunitates cultural e recreational, comprehensive servicios public e un spirito interprenditor.

Tjörn coperi 148 km² e es le sexte plus grande insula in Svedia quanto al area. Durante le hiberno il ha 15 000 habitantes, ma durante le estate le population cresce a circa 45 000 personas.

Le insula es in version in miniatura de Svedia, ubi on pote experientiar le ambiente unic natural durante tote le anno. Le pistas pro excursiones de Tjörn non solmente offere exercitio ma sovente anque excellente panoramas supra le mar. Il ha separate pistas pro bicyclos ab le pontes de Tjörn. Baniar in le mar e navigar con portos excellente pro visitatores es altere offertas de Tjörn.

Arte e cultura ambes characterisa Tjörn e su habitantes. Il ha un centro de historia cultural de Sundsby Säteri. Iste casa de ferma se data retro al 14te seculo, mesmo si illo es le plus ben cognoscite ab su periodo durante le 17me seculo, quando Margareta Hvitfeldt, un del personages le plus potente in le region Bohuslän, viveva ci.

Le lumine, le mar e le natura ha inspirate artistas e artisanos. Tjörn ha multe museos que monstra aspectos differente del insula e su historia. Le plus ben cognoscite es le Museo Nordic de Aquarella in Skärhamn (nominate Museo del Anno 2010).

In le paisage rolante proxime al cemeterio historic Pilane, sculpturas moderne se misce con circulos de petras ab le Etate de Ferro.

Skärhamn es le urbe principal sur Tjörn con circa 3 500 habitantes. Illo es un loco que ha essite characterisate per imbarcamento durante le historia.

Altere locos ben cognoscite es le Ponte Tjörn como le insulas minor Klädesholmen, Åstol, Dyrön, Tjörnekalv e Härön. Il ha un ponte a Klädesholmen, durante que le altere insulas es attingite via ferryboat. Sur le insulas il ha restaurantes que servi tote le bon mangiar que le mar forni.

Benvenite a Tjörn!

Sidan senast uppdaterad 2014-07-17 10.25
Till Facebook
Till Twitter
TJÖRNS KOMMUN, Kroksdalsvägen 1, 471 80 Skärhamn, Växel 0304-60 10 00, Tjörns kundcenter 0304-60 10 10, fax 0304-60 10 19
tjorns.kundcenter@tjorn.se - kommun@tjorn.se - webmaster@tjorn.se