Un amico pro le vita

Le mar como un loco de labor

Tjörn es un del municipalitates le plus prominente pro imbarcamento e production de pisces in Svedia. Naves de pisca labora con technologia moderne pro piscar. Le major companias international de transporto, portos e cantieres naval in total emplea quasi 1 200 personas. Le Sjöfartsgymnasiet (academia naval mercante) in Skärhamn es un de solmente tres in le pais que provide trainamento basic pro marineros. Skärhamn es le tertie plus grande porto de Svedia pro le flotta commercial. E Vallhamn es le tertie plus grande porto de mar profunde in le pais, providente inter altere cosas traffico transoceanic.

Le mar como corte de recreation

Le mar non solmente provide labor ma anque tempore libere pro e locales e visitatores. Il ha multe locos pro barcas e novem portos pro visitatores sur le insula, sex del quales es possedite per le municipio e gerite per associationes. Le majoritate del portos pro visitatores possede le distinction international ambiental, le Bandiera Blau, que confirma le bon qualitate del aqua, securitate, servicio e informationes ambiental. In 2009 il habeva 16 645 pernoctationes in le portos pro visitatores de Tjörn, un nove record. In addition, multitudes de belle portos natural preter le costa attende tu ancora.

Il ha nulle manco de locos pro baniar, ab isolate areas roccose e baias a illos plus apte pro infantes e adaptate pro personas handicapate. Le estate sur Tjörn es marcate per baniar, sol e scuma salate. Skagen in Danmark deveniva famose pro su lumine special, nos lo ha anque ci.